सकाळ संवाद

डीपी बॉक्सजवळ वाढलेल्या झाडाचा धोका

थेरगाव येथील जय मल्हारनगर, कॉलनी क्रमांक सहा मधील ओंबळे प्लाझा या इमारती शेजारी असलेल्या विजेच्या डीपी बॉक्सजवळ उंबराचे झाड मोठ्या प्रमाणात वाढले आहे. या झाडाच्या मुळ्या डीपी बॉक्समधील विजेच्या वाहिन्यांना स्पर्श करण्याची शक्यता असून त्यामुळे शॉर्टसर्किट होण्याचा गंभीर धोका निर्माण झाला आहे. तरी संबंधित एमएसईबीच्या अधिकाऱ्यांनी याकडे तात्काळ लक्ष देऊन आवश्यक ती उपाययोजना करावी.
- अरुण ओंबळे, थेरगाव
01172

नदी पात्रात टाकला जातोय कचरा

जुनी सांगवी येथे सांगवी-दापोडी पुलाच्या बाजूला प्रियदर्शनीनगरच्या सीमा भिंतीवरून काही नागरिक थेट नदीपात्रात कचरा टाकत आहेत. त्यामुळे नदीपात्रात मोठ्या प्रमाणात कचऱ्याचा ढीग साचत असून परिसरात अस्वच्छता निर्माण होत आहे. त्यामुळे संबंधित महापालिका विभागाने या समस्येकडे तातडीने लक्ष देऊन नदीपात्रात कचरा टाकण्यास आळा घालण्यासाठी आवश्यक ती कारवाई करावी.

01173