काले पवनानगर ग्रामस्थ दहिहंडीचा खंडाळा गोविंदा पथक ठरला पारीतोषिकाचा मानकरी

खंडाळा पथकाला पारितोषिक

पवनानगर ः काले पवनानगर ग्रामस्थ, स्व. भाऊसाहेब मोरे व व्यापारी मित्र मंडळ यांच्या संयुक्त विद्यमाने पवनानगर चौकात मानाची पहिली दहीहंडी खंडाळा गोविंदा पथकाने फोडली. तसेच ५ लाख ५५ हजार ५५५ रुपयांचे पारितोषिक पटकाविले.
यामध्ये पद्मावती महिला गोविंदा पथक, ओळकाईवाडी, भांगरवाडी लोणावळा गोविंद पथक व प्रभात क्रीडा मंडळ घाटकोपर या गोविंदा पथकांनी हजेरी लावून पाच ते सहा थरांपर्यंत थर लावून सलामी दिली. यावेळी आमदार सुनील शेळके, हरीश कोकरे, संत तुकाराम कारखान्याचे संचालक लक्ष्मण भालेराव, अशोक शेडगे, विजय कालेकर आदी उपस्थित होते. दहीहंडी उत्सवाचे आयोजन अध्यक्ष अतुल कालेकर, कार्याध्यक्ष अंकुश शेडगे यांच्या मार्गदर्शनाखाली करण्यात आले.