हास्य कविसंमेलन रावेतमध्ये उत्साहात

रावेत, ता.१५ : महाराष्ट्र साहित्य परिषद, पिंपरी चिंचवड शाखा, मध्यवर्ती समिती आणि ज्येष्ठ नागरिक संघ, रुणाल गेटवे सोसायटी यांच्या संयुक्त विद्यमाने रावेत येथे नुकतेच हास्य कविसंमेलन पार पडले.
ज्येष्ठ हास्य कवी बंडा जोशी, साहित्य परिषदेचे शाखा अध्यक्ष राजन लाखे यावेळी उपस्थित होते. विविध भागांतील १५ हास्य कवींनी संमेलनात सहभाग घेतला. या कवींनी आपल्या खास शैलीतील आणि जीवनातील बारीक-सारीक गोष्टींवर आधारित विनोदी कविता सादर करून श्रोत्यांना अक्षरशः पोट धरून हसायला लावले. राजकीय व्यंग, सामाजिक समस्या आणि घरगुती जीवनातील गंमतीजमती यावरच्या त्यांच्या कवितांनी उपस्थितांना मनमुराद आनंद दिला. यासोबतच साहित्य क्षेत्रातील उल्लेखनीय कामगिरी करणाऱ्या व्यक्तींचा सत्कार करण्यात आला.
रुणाल गेटवे सोसायटी मध्यवर्ती समितीचे अध्यक्ष सुजीत ठाकरे, सचिव संजय आंबवले, ज्येष्ठ नागरिक संघाचे अध्यक्ष विजय मोहरे, अशोक लोणकर आणि सदस्यांनी विशेष परिश्रम घेतले.