उड्डाणपुलांच्या खांबांचा अडथळा
काळेवाडी, ता.८ : धर्मवीर छत्रपती संभाजी महाराज चौक अर्थात काळेवाडी फाटा चौकाची परिस्थिती अत्यंत बिकट झाली आहे. उड्डाणपुलाने औंध-रावेतकडील वाहतूक सुरळीत झाली. मात्र, पुलाखालील कोंडी सुटताना दिसत नाही.
काळेवाडी फाटा चौकातील उड्डाणपुलाचे खांब वाहतुकीला अडथळे ठरु पाहत आहेत. याशिवाय तेथे अपघाताची भीती निर्माण झाली आहे. काळेवाडी ते सरळ ऑटो क्लस्टर तसेच पुढे टेल्को कंपनीकडून मोशी, चिखली, चऱ्होली, आळंदी व इतर भागांतील नागरिकांना हा रस्ता सोयीचा व वेळ वाचवणारा झाल्याने वाहनचालक आता चिंचवड व पिंपरी या दोन मार्गांचा अवलंब न करता हा मधील मार्ग वाहतुकीसाठी उपयोगात आणत आहेत. काळेवाडी, रहाटणीमधील रहिवासी बीआरटी मार्गात घुसखोरी करत आहेत.
प्रमुख कारणे काय ?
- उड्डाणपुलाचे खांब मुख्य चौकात रहदारीला अडथळा
- सिग्नलचा वेळ कमी, बेशिस्त रिक्षाचालक
- कस्पटे वस्तीकडून काळेवाडी येताना रस्ता अरुंद
उपाय काय ?
- रिक्षाचालकांना कायमचा थांबा देणे
- सिग्नलच्या वेळा वाढविणे
- बीआरटी मार्गामधून बसला शिस्त लावणे
काळेवाडी येथील सिग्नल अतिशय कमी वेळेचे आहेत. चौक मोठा असल्याने येथील त्यांची वेळ वाढविण्यात यावी. तसेच वाहतूक पोलिसांची नेमणूक वाढविण्यात यावी.
- संदीप दुसाने, वाहनचालक
SVW25A00038
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.