रोटरी एमआयडीसीच्या रक्तदान शिबिराला उत्स्फूर्त प्रतिसाद

तळेगाव दाभाडे, ता. २ ः रोटरी क्लब ऑफ तळेगाव एमआयडीसीच्या वतीने ‘डॉक्टर डे’ आणि ‘सीए’चे औचित्य साधून रक्तदान शिबिराचे आयोजन करण्यात आले होते. शिबिराची सुरुवात छत्रपती शिवाजी महाराज, सरस्वती आणि धन्वंतरी देवतांच्या पूजनाने आणि दीपप्रज्वलनाने करण्यात आली. यावेळी रोटरी क्लब ऑफ तळेगाव एमआयडीसीचे संस्थापक अध्यक्ष संतोष खांडगे, अध्यक्ष मिलिंद शेलार, सचिव राजेंद्र पंडित, युवराज बडे, सुदाम दाभाडे, ॲड. मच्छिंद्र घोजगे, सचिन कोळवणकर, सुनील खोल्लम, पांडुरंग पोटे, लक्ष्मण मखर, राहुल खळदे, सुवर्णा मते आदी उपस्थित होते. पिंपरी-चिंचवड बँकेच्या सहकार्याने करण्यात येत असणाऱ्या या रक्तदान शिबिरात ९७ जणांनी रक्तदान केले. यात तरुण आणि महिलांची संख्या लक्षणीय होती. या सर्वांना पाच लाखांचा मोफत अपघात विमा रोटरी क्लब तळेगाव एमआयडीसी मार्फत देण्यात आला.