भुशी धरण येथील 
पर्यटकांवरील बंदी मागे घ्या 
आमदार शेळके यांची विधानसभेत मागणी

भुशी धरण येथील पर्यटकांवरील बंदी मागे घ्या आमदार शेळके यांची विधानसभेत मागणी

तळेगाव दाभाडे, ता. ९ ः वर्षाविहारासाठी पर्यटकांचे मुख्य आकर्षण असलेल्या भुशी डॅम येथे दोन दिवसांपासून पर्यटकांना लागू करण्यात आलेली प्रवेश बंदी मागे घेण्याबाबत शासनाने जिल्हाधिकारी व रेल्वे खात्याला सूचना द्याव्यात, अशी मागणी मावळचे आमदार सुनील शेळके यांनी आज विधानसभेत केली.
लोणावळ्याच्या भुशी धरण परिसरात घडलेल्या दुर्घटनेनंतर जिल्हाधिकारी व रेल्वे खात्याने केलेल्या कारवाईचे तीव्र पडसाद विधानसभेतही उमटले. कारवाईच्या विरोधात आमदार शेळके यांनी आवाज उठवला.
आमदार शेळके म्हणाले, ‘‘भुशी धरणापासून दोन किलोमीटरवर असलेल्या धबधब्यात वाहून गेल्यामुळे पाच जणांना मृत्यू झाला, ही घटना दुर्दैवी होती. त्यानंतर जागेची कोणतीही शहानिशा न करता दोन किलोमीटरवर असलेल्या भुशी धरण येथील विक्रेत्यांच्या टपऱ्या व दुकानांवर जिल्हाधिकारी व रेल्वे प्रशासनाने केलेली कारवाई अन्यायकारक होती. त्यानंतर दोन दिवसांपासून या ठिकाणी पर्यटकांना करण्यात आलेली प्रवेश बंदी चुकीची असून, ती त्वरित मागे घ्यावी.’’

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com