वराळेतील विहिरीत पडून मजूराचा मृत्यू

तळेगाव दाभाडे, ता.१७ ः पाण्याच्या जॅकवेलचे काम करत असताना पाय घसरल्याने विहिरीत पडून एका मजुराचा मृत्यू झाला. ही घटना वराळे गावात शनिवारी घडली. नितीशकुमार आनंद सिंह कुमार (वय १९, मूळ रा. बिहार, सध्या रा.वराळे) असे मृत तरूणाचे नाव आहे. तळेगाव दाभाडे एमआयडीसी पोलिसांनी दिलेल्या माहितीनुसार, वराळे गावात महाराष्ट्र जीवन प्राधिकरण अंतर्गत पाण्याच्या जॅकवेलचे काम शिवशंकर एंटरप्रायझेस कंपनी करत असून नितीशकुमार हा त्या कामावर होता. सकाळी नऊच्या सुमारास जेवण करण्यासाठी तो खाली उतरत असताना पाय घसरून विहिरीत पडून त्याचा मृत्यू झाला.