कुंडमळा दुर्घटनेतील १६ जणांवर उपचार सुरू

तळेगाव दाभाडे, ता. १८ : कुंडमळा येथे साकव कोसळून झालेल्या दुर्घटनेनंतर जखमींपैकी सुमारे ३३ जणांना सोमवारी (ता.१९) उपचारानंतर डिस्चार्ज देण्यात आला. यातील १६ जणांवर तळेगाव परिसरातील विविध रुग्णालयांत उपचार सुरू आहेत. यातील एकाची परिस्थिती चिंताजनक आहे.
याबाबत तालुका आरोग्य अधिकारी डॉ. शॅरन सोनवणे यांनी माहिती दिली. ज्या १६ जखमींवर उपचार सुरू आहेत, त्यांच्यातील आठ जण अतिदक्षता विभागात, तर आठ जणांवर जनरल वॉर्डमध्ये उपचार सुरू आहेत. यातील एका जखमी व्यक्तीची प्रकृती चिंताजनक आहे, त्याच्यावर मायमर रुग्णालयात उपचार सुरू आहेत.