माजी आमदार कृष्णराव भेगडे यांची श्रद्धांजली सभा

तळेगाव दाभाडे, ता. २ : मावळचे माजी आमदार, शिक्षणमहर्षी, ज्येष्ठ नेते कृष्णराव धोंडिबा भेगडे यांचे ३० जून रोजी निधन झाले. भेगडे हे मावळातील राजकीय, सामाजिक आणि शैक्षणिक क्षेत्रातील परिवर्तनाचे साक्षीदार आणि मार्गदर्शक होते. त्यांच्या कुशल नेतृत्वातून मावळने राज्याच्या नकाशावर आपली ठळक छाप उमटवली. त्यांच्या स्मृतींना अर्पण करण्यासाठी शनिवार, दि. ५ जुलै रोजी सकाळी १० वाजता नूतन महाराष्ट्र विद्या प्रसारक मंडळाच्या इंजिनिअरिंग कॉलेज सभागृहात शोकसभेचे आयोजन करण्यात आले आहे. आपण सर्वांनी या सभेस उपस्थित राहून कै. भेगडे साहेबांच्या स्मृतींना उजाळा द्यावा, असे आवाहन गणेश खांडगे यांनी केले आहे