विद्यार्थ्यांच्या सहभागाने टेकडीवर बीजगोळे

तळेगाव दाभाडे, ता. १३ : सुदुंबरे येथील आदिवासी वस्तीतील -संत तुकारामनगर येथील जिल्हा परिषद प्राथमिक शाळेच्या परिसरात टेकडीवर २०० हून अधिक बीजगोळे निसर्गाच्या सानिध्यात टाकण्यात आले. यात एसएनएस फाउंडेशन व फोवी कंपनीच्या कर्मचाऱ्यांनी सहभाग घेतला. या बीजगोळ्यांमध्ये चिंच, आवळा, करंज, शेवगा यांसारख्या देशी वृक्षांच्या बियांचा समावेश होता. हा उपक्रम एसएनएस फाउंडेशनचे शैलेश झगडे यांच्या संकल्पनेतून राबवण्यात आला. शिक्षिका कालिंदी करपे यांनी यात सहभाग घेतला. कार्यक्रमाला शाळा व्यवस्थापन समिती अध्यक्षा सोनाली जाधव, उपाध्यक्षा वैशाली पारखी, मुख्याध्यापक अरुण घाडगे, प्राणी केंद्रप्रमुख भगवंता बनकर यांची उपस्थिती होती.

सुदुंबरे : बीजगोळे टेकडीवी टाकून वृक्षारोपण करताना शालेय विद्यार्थी.