जिजामाता शाळेच्या मुख्याध्यापिका विजया दांगट सन्मानित

तळेगाव दाभाडे, ता. ८ : तळेगाव दाभाडे नगरपरिषद शिक्षण मंडळाच्या वीर जिजामाता शाळेच्या मुख्याध्यापिका विजया दांगट यांनी विद्यार्थ्यांमध्ये वृत्तपत्र वाचन आणि पुस्तक वाचन असे विविध उपक्रम राबविल्याबद्दल पत्रकार दिनी त्यांना सन्मानित करण्यात आले.
शालेय जीवनापासून व्यक्तिमत्त्वाचा विकास व्हावा म्हणून मराठी आणि इंग्रजी बोली भाषांच्या वर्गात त्या प्रोत्साहन देत आहेत. नगर परिषद आणि शिक्षण मंडळाने सुरू केलेले मराठी इंग्रजी बोली भाषा अध्ययन उपक्रम, महान व्यक्तींचे विशेष दिन तसेच इतर सामाजिक, शैक्षणिक संस्थांच्या माध्यमातून नगरपरिषदेच्या शाळांमध्ये सुरू असलेल्या उपक्रमांची माहितीचा आढावा यावेळी घेण्यात आला. द रॉयल एज्युकेशन फाउंडेशनच्या अध्यक्ष याज्ञसेनीराजे दाभाडे आणि यशवंतराव चव्हाण विकास प्रशासन प्रशिक्षण केंद्राचे विवेक गुरव आदींनी दांगट आणि त्यांच्या सहशिक्षकांचे अभिनंदन केले आहे. प्रेस फाउंडेशनतर्फे दांगट यांना शाल, पुष्पगुच्छ आणि ग्रंथ देऊन गौरविण्यात आले.