तळेगाव नगरपरिषदेची आज विशेष सभा

तळेगाव दाभाडे, ता. २२ ः जिल्हाधिकारी यांच्या आदेशानुसार तळेगाव दाभाडे नगरपरिषदेची विशेष सभा गुरुवारी (ता. २३) सकाळी ११ वाजता आयोजित करण्यात आली आहे. या सभेसाठी मुख्याधिकारी गिरीष दापकेकर यांना पीठासीन अधिकारी म्हणून अधिकृत करण्यात आले आहे.
तळेगाव दाभाडे येथील नवीन प्रशासकीय इमारतीतील सभागृहात ही सभा होणार आहे. यामध्ये नगरपरिषदेच्या स्थायी समिती व विविध विशेष समित्यांची रचना (घटन) करण्यात येणार असून, त्या समित्यांसाठी सदस्य संख्या निश्चित करणे तसेच समित्यांचे सभापती नेमणे या विषयांवर चर्चा करून निर्णय घेतले जाणार आहेत. नगरपरिषदेच्या प्रशासकीय कामकाजाला अधिक सक्षम, गतिमान व परिणामकारक करण्याच्या दृष्टीने ही विशेष सभा महत्त्वाची मानली जात आहे. जिल्हाधिकारी यांच्या आदेशानुसार संपूर्ण कार्यवाही पारदर्शक व नियमानुसार पार पडणार असल्याची माहिती नगरपरिषद प्रशासनाकडून देण्यात आली आहे.
---