तळेगावात तीन वाणिज्यिक मिळकतींवर कारवाई

तळेगाव दाभाडे, ता. ६ : नगर परिषद हद्दीतील थकबाकीदार मिळकतधारकांविरोधात कर संकलन विभागाने कारवाईला सुरुवात केली आहे. गुरुवारी (दि. ५ मार्च) तीन वाणिज्यिक मिळकती सील करण्यात आल्या.

कर संकलन विभागामार्फत सन २०२५-२६ या आर्थिक वर्षातील मालमत्ता कर, पाणीपट्टी कर तसेच गाळा भाडे वसुलीची मोहीम सुरू करण्यात आली आहे. हद्दीतील सर्व थकबाकीदार मिळकतधारकांनी आपला मालमत्ता कर, पाणीपट्टी कर व गाळा भाडे विहित वेळेत भरून सहकार्य करावे. अन्यथा थकबाकीदारांवर अशाच प्रकारची कारवाई करण्यात येईल, असे आवाहन प्रशासनामार्फत करण्यात आले आहे.