तुकाराम नगर परिसरात पडलेले झाड हटवले

तळेगाव दाभाडे, ता. २५ : मंगळवारी रात्रीपासून सुरू असलेल्या मुसळधार पावसामुळे तुकाराम नगर-न्यू आनंदनगर परिसरातील एका रुग्णालयासमोरील मोठे झाड मुख्य रस्त्यावर कोसळले. यामुळे वाहतूक थोडा वेळ विस्कळित झाली होती. विद्यार्थी, नागरिक आणि वाहनचालकांची गैरसोय झाली होती. याबाबत माहिती मिळताच नगरसेवक सागर बोडके यांनी प्रशासनाशी संपर्क साधला. त्यानुसार अधिकारी विशाल मिंड यांच्या सूचनेनुसार नगरपरिषदेच्या कर्मचाऱ्यांनी झाड बाजूला हटविले. त्यामुळे वाहतूक पूर्ववत झाली.
---