तळेगावातील तरुणाची गळफास घेऊन आत्महत्या

तळेगाव स्टेशन, ता. ११ : तळेगाव दाभाडे येथे एका तरुणाने नैराश्यातून गळफास घेऊन, आत्महत्या केली. ही घटना रविवारी (ता. ९) उघडकीस आली. गणेश सोमनाथ काळंदते (वय- ३२, सध्या-तेली आळी, तळेगाव दाभाडे, ता. मावळ) असे मृताचे नाव आहे. याप्रकरणी तळेगाव दाभाडे पोलिस ठाण्यात अकस्मात मृत्यूची नोंद करण्यात आली आहे. गणेश काळंदते हा कॅबचालक म्हणून काम करत होता. त्याच्यामागे पत्नी, मुले, आई, भाऊ असा परिवार आहे.