श्री बनेश्वराला तब्बल पाच किलो चंदनाची उटी

श्री बनेश्वराला तब्बल पाच किलो चंदनाची उटी

तळेगाव स्टेशन, ता.११ : गेल्या दोन तपांची परंपरा कायम राखत अक्षय्य तृतीयेच्या मंगलमय मुहूर्तावर शुक्रवारी (ता.१०) तळेगाव दाभाडे शहरातील ऐतिहासिक श्री बनेश्वर मंदिरातील महादेवाच्या पिंडीला भक्तिभावाने पाच किलो चंदनाचा लेप लावून चंदन उटी सोहळा साजरा करण्यात आला. गाभाऱ्यासह मंदिराची विविध फुलांनी आकर्षक सजावटही करण्यात आली.
सालाबादप्रमाणे बनेश्वर सेवा मित्र मंडळ आणि नगरसेवक संतोषभाऊ भेगडे मित्र परिवाराच्यावतीने हा चंदन उटी सोहळा आणि मोगरा महोत्सव भरविण्यात आला. विविध प्रकारच्या १०० किलो फुलांनी बनेश्वर मंदिरासह गाभाऱ्याची आकर्षक सजावट करण्यात आली. सकाळी ११ ते सायंकाळी ६ वाजेपर्यंत चंदन उटी सोहळा झाला. रात्री साडेसात वाजता महाआरतीनंतर महाप्रसादाचे वाटप करण्यात आले. रात्री आठनंतर स्थानिक भजनी मंडळांचा एकतारी भजनाचा कार्यक्रम झाला.
माजी नगराध्यक्षा अंजलीराजे दाभाडे, चंद्रसेनराजे दाभाडे, माजी उपनगराध्यक्ष सत्येंद्रराजे दाभाडे, सत्यशीलराजे दाभाडे, पुणे जिल्हा सहकारी बँकेचे माजी अध्यक्ष बबनराव भेगडे, माजी उपनगराध्यक्ष गणेश काकडे, पीएमआरडीए सदस्य संतोष भेगडे, आशिष खांडगे, शैलजा काळोखे, मनीषा रघुवंशी, अबोली ढोरे, डी.आर.कदम आणि परिसरातील शिवभक्त मोठ्या संख्येने उपस्थित होते. बनेश्वर सेवा मंडळ आणि नगरसेवक संतोषभाऊ भेगडे स्पोर्ट्स फाउंडेशनच्या स्वयंसेवकांनी नियोजन केले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com