रोटरी क्लबतर्फे महिलांची मोफत कर्करोग तपासणी

तळेगाव स्टेशन, ता. १० : रोटरी क्लब ऑफ गोल्डन तळेगाव दाभाडे, तळेगाव जनरल हॉस्पिटल, ऑनको लाइफ कॅन्सर सेंटर, आरसीसी आणि आशा सेविका समूह यांच्या संयुक्त विद्यमाने तळेगावमध्ये कर्करोग निदान शिबिराचे मोफत आयोजन करण्यात आले. यात १२४ महिलांची तपासणी झाली. थर्मल तपासणी, स्तन कर्करोग आणि पॅप स्मिअर आदी तपासण्या झाल्या. डॉ. सौरभ मेहता यांनी उपस्थितांचे स्वागत केले. डॉ. सुमेधा भोसले, डॉ. ज्योती मेहता, तळेगाव प्राथमिक आरोग्य केंद्राचे प्रमुख डॉ. मनोज चौधरी यांनी आरोग्याविषयक मार्गदर्शन केले. रोटरी क्लब ऑफ गोल्डन तळेगाव दाभाडेचे अध्यक्ष संतोष परदेशी यांनी क्लबची सामाजिक बांधिलकी अधोरेखित केली. रोटरी क्लबचे दीपक फल्ले, प्रदीप टेकवडे, बासाप्पा भंडारी, प्रदीप मुंगसे, निखिल महापात्रा, दिनेश चिखले, राकेश गरुड, दिक्षा वाईकर, सुजाता देव, चेतन पटावा, विजय गोपाळे, कविता खोल्लम, सुरेश बावबंदे आदींनी नियोजन केले. प्रकल्प प्रमुख डॉ. धनश्री काळे यांनी प्रास्ताविक केले. दीपाली शिंदे यांनी सूत्रसंचालन केले. क्लबचे उपाध्यक्ष प्रशांत ताये यांनी आभार मानले.
-----