रोटरी एमआयडीसीतर्फे ज्येष्ठांची आरोग्य तपासणी

तळेगाव स्टेशन, ता. १० : रोटरी क्लब ऑफ तळेगाव एमआयडीसी आणि पुष्पलता डी. वाय. पाटील रुग्णालय, आंबी यांच्या संयुक्त विद्यमाने संस्थापक अध्यक्ष संतोष खांडगे यांच्या सहकार्याने आयोजित आरोग्य शिबिरात ६५ ज्येष्ठ नागरिकांची मोफत आरोग्य तपासणी करण्यात आली. वतननगरमधील इच्छापूर्ती ज्येष्ठ नागरिक संघाच्या सभागृहात हे शिबिर झाले. क्लबचे अध्यक्ष प्रवीण भोसले यांनी प्रास्ताविक केले. क्लबचे प्रकल्प प्रमुख डॉ. युवराज बढे आणि रुग्णालयाचे शुभम शिंदे यांनी तंदुरुस्तीबाबत मार्गदर्शन केले. ज्येष्ठ नागरिक संघाचे उमाकांत देशपांडे यांनी सूत्रसंचालन केले. सीताराम भोजने यांनी आभार मानले. रोटरी क्लबचे सदस्य संदीप मगर, विन्सेंट सालेर, सचिन कोळवणकर, दशरथ जांभूळकर, अजय पाटील यांच्यासह रुग्णालयाचे कर्मचारी आणि ज्येष्ठ नागरिक संघाच्या पदाधिकाऱ्यांनी नियोजन केले.
-----