अजितदादांची तळेगावात आज रक्षा कलश यात्रा

तळेगाव स्टेशन, ता. २ : उपमुख्यमंत्री अजितदादा पवार यांच्या पवित्र स्मृतींना अभिवादन करण्यासाठी राष्ट्रवादी काँग्रेस पक्षाने मंगळवारी (ता. ३) सकाळी तळेगाव दाभाडे शहरात रक्षा कलश दर्शन यात्रा आयोजित केली आहे. सकाळी ९ वाजता मुंबई-पुणे महामार्गावरील लिंब फाटा येथून यात्रेस सुरवात होईल. दुपारी १२ वाजता छत्रपती शिवाजी महाराज चौकात समारोप होईल. लिंब फाटा - मारुती मंदिर चौक - बाजारपेठ - गणपती चौक - शाळा चौक -जिजामाता चौक - नगरपरिषद कार्यालय - स्टेशन चौक - मराठा क्रांती चौक मार्गे यशवंतनगरमधील छत्रपती शिवाजी महाराज चौकात पोहोचल्यानंतर समारोप होईल, अशी माहिती तळेगाव दाभाडे शहर राष्ट्रवादी काँग्रेस पक्षाचे अध्यक्ष तथा राजर्षी शाहु महाराज ज्येष्ठ साहित्यिक समिती व कलावंत मानधन योजना समिती, पुणे जिल्हाचे अध्यक्ष सुरेश धोत्रे यांनी दिली.
-----