तळेगावात मुलीचा विनयभंग

तळेगाव स्टेशन, ता.२६ : मांजराची विचारणा करणाऱ्या आठ वर्षीय मुलीचा विनयभंग केल्याप्रकरणी तळेगाव दाभाडे पोलिसांनी गॅरेजमधील एका परप्रांतीय कामगारास अटक केली आहे. बुधवारी (ता.२५) सायंकाळी पावणे पाच वाजता ही घटना घडली असून पिडीत मुलीच्या आईने दिलेल्या फिर्यादीवरुन तळेगाव दाभाडे पोलिस ठाण्यात पोक्सो कायद्यानुसार गुन्हा दाखल करण्यात आला आहे. मोहम्मद कैफ नौशाद मलिक (वय २२, रा. मूळ गाव ककरोली, मुजफ्फरनगर, उत्तर प्रदेश / सध्या रा. तळेगाव दाभाडे) असे अटक केलेल्या आरोपीचे नाव आहे. जिजामाता चौकालगतच्या ज्ञानेश्वरनगरमधील एका गॅरेजमध्ये हा प्रकार घडला. पोलिसांनी आरोपीस अटक करुन गुरुवारी (ता.२६) वडगाव मावळ न्यायालयासमोर हजर केले असता त्यास तीन दिवसांची पोलिस कोठडी सुनावण्यात आली.