शेतीची नुकसान भरपाई करण्याची मागणी

वडगाव मावळ, ता. १० : अवकाळी पावसामुळे मावळ तालुक्यातील शेतकऱ्यांच्या शेती व घरांचे मोठे नुकसान झाले आहे. नुकसानीचे त्वरित पंचनामे करून त्यांना नुकसान भरपाई मिळवून द्यावी अशी मागणी मावळ तालुका शिवसेना उद्धव बाळासाहेब ठाकरे पक्षाने केली आहे.
पक्षाच्या पदाधिकाऱ्यांनी नायब तहसीलदार रावसाहेब चाटे यांची भेट घेऊन याबाबतचे निवेदन दिले. उपजिल्हा प्रमुख सुरेश गायकवाड, तालुका प्रमुख आशिष ठोंबरे, महिला आघाडी जिल्हा संघटिका शैलाताई खंडागळे, माजी उपजिल्हाप्रमुख भारत ठाकूर, तालुका संघटक शांताराम भोते, मदन शेडगे, अशोक निकम, उपतालुकाप्रमुख सोमनाथ कोंडे, एकनाथ जांभूळकर, किसन तरस, लोणावळा शहरप्रमुख बाळासाहेब फाटक, तालुका समन्वयक रवींद्र गायकवाड, अनिल ओव्हाळ, सल्लागार मारुती खोले, राजेंद्र नवले, संजय भोईर, योगेश काकरे, शंकर नाणेकर आदी उपस्थित होते.