उपसरपंचपदी भगवान ठाकर यांची बिनविरोध निवड

वडगाव मावळ, ता. ९ : मावळ तालुक्यातील निगडे ग्रामपंचायतीच्या उपसरपंचपदी भगवान शंकर ठाकर यांची बिनविरोध निवड झाली. ग्रामपंचायतीचे यापूर्वीचे उपसरपंच गणेश भांगरे यांनी नुकताच आपल्या पदाचा राजीनामा दिला होता. त्यामुळे या रिक्त झालेल्या पदाच्या निवडीसाठी सोमवारी (ता. ८) निगडे येथील ग्रामपंचायत कार्यालयात निवडणूक निर्णय अधिकारी तथा सरपंच भिकाजी भागवत यांच्या अध्यक्षतेखाली निवड प्रक्रिया झाली. उपसरपंच पदासाठी भगवान ठाकर यांचा एकमेव अर्ज आल्याने त्यांची बिनविरोध निवड झाल्याची घोषणा सरपंच भागवत यांनी केली. सहाय्यक म्हणून ग्रामसेवक शशिकिरण जाधव यांनी काम पाहिले. यावेळी सदस्य मंगल भागवत, भागाबाई ठाकर, चंद्रकांत करपे, संदीप चव्हाण, रोशनी साळवे, मनिषा लोटे आदी उपस्थित होते.