मावळ तालुका पोल्ट्री संघटना कार्यकारिणी जाहीर

वडगाव मावळ, ता. २५ : मावळ तालुका पोल्ट्री योद्धा संघटनेच्या अध्यक्षपदी एकनाथ गाडे यांची, तर कार्याध्यक्षपदी सुभाष केदारी यांची फेरनिवड करण्यात आली. महाराष्ट्र राज्य पोल्ट्री योद्धा संघटनेचे अध्यक्ष अनिल खामकर, सचिव विलास साळवी व संघटक सोनबा गोपाळे गुरुजी यांच्या उपस्थितीत व मार्गदर्शनाखाली संघटनेच्या संपूर्ण कार्यकारिणीची निवड बिनविरोध करण्यात आली. यात अध्यक्ष-एकनाथ गाडे, कार्याध्यक्ष - सुभाष केदारी, उपाध्यक्ष - उत्तम शिंदे, संतोष घारे, संभाजी शिंदे, खजिनदार-विनायक बधाले, सहखजिनदार- बाबाजी पठारे, सचिव- प्रवीण शिंदे, सहसचिव- महेश कुडले, सल्लागार मंडळ- सचिन आवटे, संभाजी केदारी, दत्तात्रय निम्हण, दत्तात्रय गराडे, विलास काटकर. पोल्ट्री व्यवसायिकांच्या प्रलंबित मागण्यांसाठी विशेष प्रयत्न असे नवनिर्वाचित अध्यक्ष एकनाथ गाडे व कार्याध्यक्ष सुभाष केदारी यांनी सांगितले. संघटक सोनबा गोपाळे गुरुजी यांनी संयोजन केले.