आनंद ऋषी महाराज यांच्या ऊर्जा चरणांची पालखी

वडगाव मावळ, ता. ११ : राष्ट्रसंत आचार्य आनंद ऋषी महाराज यांच्या ऊर्जा चरणांची वडगाव येथे पालखी मिरवणूक काढण्यात आली. त्यानंतर भक्तीमय वातावरणात पादुका दर्शन सोहळा आयोजित करण्यात आला.
राष्ट्रसंत आचार्य आनंद ऋषीजी महाराज यांच्या भारतामधील पहिल्या १४ शुभ चिन्ह असलेल्या ऊर्जा चरण पादुकांचे दर्शन आणि जाप शुक्रवारी येथील जैन स्थानकात पार पडला. त्रिशूळ, अंकुश, त्रिकोण, मत्स्य, नक्षत्र, ध्वज, उर्ध्व रेखा, डमरू, पर्वत, पद्म, स्वस्तिक, देवज्ञ रेखा, मंदिर, पालखी या चिन्हांचा समावेश आचार्यांच्या चरणांवर होता. यावेळी मोठ्या संख्येने भाविकांनी दर्शनाचा लाभ घेतला.
श्री जैन स्थानकवासी श्रावक संघाचे अध्यक्ष सुभाषचंद्र मुथा, डॉ. सुनील बाफना, प्रेमराज बाफना, राजेश बाफना, अशोकलाल गुजराणी, सुरेंद्र बाफना, झुंबरलाल कर्नावट, विजय बलदोटा, मोतीलाल बाफना, कांतीलाल बाफना, दिलीप मुथा, अमोल बाफना, रोहन मुथा, मनोज बाफना, रमेश गुजरानी, अमित मुथा, प्रतीक सुराणा, राजेंद्र जैन, साहिल बाफना, सुवालाल कुंकूलोळ, गौरव बलदोटा, सहज बाफना आदींसह महिला मंडळ, युथ ग्रुप व पाठशाळा ग्रुपचे सदस्य उपस्थित होते.
आनंद दरबार व बाळासाहेब धोका यांचा वडगांव श्री संघाच्या वतीने सन्मान करण्यात आला. उमेद बलदोटा, पंकज बाफना, सुनील चोरडिया, नितीन देसरडा यावेळी उपस्थित होते. स्वागतगीत झुंबरलाल कर्नावट व प्रीती बाफना यांनी केले. भूषण मुथा यांनी सूत्रसंचालन केले. राजेश बाफना यांनी आभार मानले.