वडगावची प्रारूप प्रभाग रचना आज प्रसिद्ध होणार
वडगाव मावळ, ता. १७ : वडगाव नगरपंचायतीच्या आगामी निवडणुकीसाठी प्रारूप प्रभाग रचनेच्या प्रस्तावाला विभागीय आयुक्तांनी मान्यता दिली आहे. नागरिकांच्या माहितीसाठी याचा तपशील उद्या (ता. १८) प्रसिद्ध होईल. नगरपंचायतीचे प्रशासक तसेच मुख्याधिकारी डॉ. प्रवीण निकम यांनी ही माहिती दिली. राज्याच्या नगरविकास विभागाच्या आदेशानुसार नगरपंचायत स्तरावर स्थापन करण्यात आलेल्या समितीने प्रारूप प्रभाग रचनेचा प्रस्ताव सादर केला. राज्य निवडणूक आयोगाने दिलेल्या अधिकारानुसार विभागीय आयुक्तांनी १२ ऑगस्ट रोजी प्रस्तावाला मान्यता दिली. प्रभाग रचनेच्या वेळापत्रकानुसार १८ ऑगस्ट ते २१ ऑगस्ट या कालावधीत नगरपंचायतीच्या नोटीस बोर्डवर तसेच संकेतस्थळावर हा तपशील प्रसिद्ध करण्यात येईल. त्यावर काही हरकती व सूचना असल्यास नागरिकांनी नगरपंचायत कार्यालयातील आवक-जावक विभागामध्ये त्या लेखी स्वरूपात सादर कराव्यात, असे आवाहन डॉ. निकम यांनी केले. त्यावर सुनावणीचा तपशील नागरिकांना कळविण्यात येईल. मुदतीनंतर आलेल्या हरकतींचा व सूचनांचा विचार केला जाणार नाही, असेही त्यांनी स्पष्ट केले.
----
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.