वेटलिफ्टिंग स्पर्धेत भक्ती जांभूळकर प्रथम

वडगाव मावळ, ता. ११ : येथील भैरवनाथ शिक्षण प्रसारक मंडळ, संचालित श्री रमेश कुमार सहानी इंग्लिश मीडियम स्कूल अँड ज्युनिअर कॉलेजची विद्यार्थिनी भक्ती अशोक जांभूळकर हिने शालेय क्रीडा स्पर्धेमध्ये वेटलिफ्टिंग या खेळामध्ये जिल्हा व विभागीय स्तरावर प्रथम क्रमांक पटकावला. या कामगिरीमुळे तिची महाराष्ट्र राज्य स्पर्धेसाठी निवड झाली आहे. विद्यालयात अकरावी सायन्समध्ये शिकत असलेल्या भक्तीने कुस्ती या खेळामध्ये देखील जिल्हा स्तरावर प्रथम व विभागीय स्तरावर दुसरा क्रमांक पटकावून देदीप्यमान कामगिरी केली आहे. पालकांचे व शाळेचे नाव उज्ज्वल केल्याबद्दल तिचे शाळेचे संस्थापक अध्यक्ष राजेंद्र म्हाळसकर, सचिन ढोरे, राजेंद्र वहिले, मीना अय्यर, आदिनाथ आगळमे, अभिषेक भालेराव, रुचिका ढोरे आदींनी अभिनंदन केले.

भक्ती जांभूळकर