संभाजी भिडे यांची उद्या कान्हे येथे सभा

वडगाव मावळ, ता. ११ : श्री शिवप्रतिष्ठान हिंदुस्थान संघटनेचे संस्थापक संभाजी भिडे यांची मंगळवारी (ता.१३) मावळ तालुक्यातील कान्हे येथे सभा होणार आहे. ही माहिती संघटनेच्या कार्यकर्त्यांनी दिली.
कान्हे येथील रामकृष्ण हरी मंगल कार्यालयात मंगळवारी सायंकाळी साडेपाच वाजता ही सभा होईल. धारातीर्थ गड कोट मोहीम ‘श्री एकवीरा देवी ते श्री भिवगड-श्री भीमगड’ या विषयावर ते बोलणार आहेत. पुणे जिल्ह्यातील कार्यकर्त्यांनी मोठ्या संख्येने उपस्थित रहावे, असे आवाहन संघटनेच्या वतीने करण्यात आले आहे.