तिसऱ्या दिवशी २९ अर्ज दाखल

वडगाव मावळ, ता. २० : मावळ तालुक्यातील जिल्हा परिषदेच्या पाच व पंचायत समितीच्या दहा जागांसाठी मंगळवारी २९ उमेदवारी अर्ज दाखल झाल्याची माहिती निवडणूक निर्णय अधिकारी सुरेंद्र नवले व सहाय्यक निवडणूक अधिकारी विक्रम देशमुख यांनी दिली. बुधवारी (ता. २१)उमेदवारी अर्ज दाखल करण्याचा शेवटचा दिवस आहे. उमेदवारी अर्ज भरण्यास शुक्रवारपासून (ता. १६) सुरवात झाली. अर्ज विक्री व भरलेले अर्ज स्वीकारण्याची व्यवस्था वडगाव येथील तहसील कार्यालयात करण्यात आली आहे. गेल्या चार दिवसांत २११ उमेदवारी अर्जांची विक्री झाली होती, मात्र तीन दिवसांत एकही अर्ज दाखल झाला नव्हता. आता बुधवारी शेवटचा दिवस असल्याने मोठ्या प्रमाणावर अर्ज दाखल होण्याची शक्यता आहे.
-----