शिवजयंती उत्सव समितीच्याअध्यक्षपदी कुलदीप ढोरे

वडगाव मावळ, ता.१४ : राजे शिव छत्रपती जयंती महोत्सव-२०२६ समितीच्या अध्यक्षपदी कुलदीप ढोरे यांची तर कार्याध्यक्षपदी संतोष भिलारे यांची निवड करण्यात आली आहे.
समितीचे संस्थापक भास्करराव म्हाळसकर यांच्या अध्यक्षतेखाली झालेल्या बैठकीत या वर्षीची कार्यकारणी निवडण्यात आली. मावळते अध्यक्ष अतिश ढोरे, शहर भाजप अध्यक्ष संभाजीराव म्हाळसकर, नगरसेवक अनंता कुडे, संदीप म्हाळसकर, भूषण मुथा, कल्पेश भोंडवे, गणेश तांबे, अतुल म्हाळसकर, अमोल ठोंबरे, विकी म्हाळसकर, संतोष भालेराव, प्रवीण पाटोळे, युवराज म्हाळसकर आदी उपस्थित होते.
महोत्सवाचे हे ४७ वे वर्ष असून तिथीप्रमाणे शिवजयंतीचे आयोजन ३ ते ६ मार्च दरम्यान होणार आहे. ज्येष्ठ नागरिक, महिला , युवक व लहान मुलांसाठी विविध उपक्रम तसेच छत्रपती श्री शिवाजी महाराज यांच्या पुतळ्याची भव्य मिरवणूक असे नियोजन करण्यात येणार असल्याची माहिती नवनिर्वाचित अध्यक्ष कुलदीप यांनी दिली.