नेहमी सर्वोत्तम कामगिरी करेन महाराष्ट्र केसरी विजेता मोहोळ याची ग्वाही

हिंजवडी, ता. १८ : ‘‘माझ्या प्रति असलेल्या तमाम कुस्ती प्रेमींच्या अपेक्षा पूर्ण करण्यास माझे प्राधान्य असेल. जीवतोड मेहनत घेऊन कायम सर्वोत्तम कामगिरी करेल.’’, अशी ग्वाही महाराष्ट्र केसरी किताब विजेता मल्ल पृथ्वीराज मोहोळ याने दिली.
हिंजवडी ग्रामपंचायत, ग्रामस्थ व जांभूळकर कुटुंबीयांच्यावतीने रोख इनाम देऊन मोहोळ याचा जाहीर नागरी सत्कार करण्यात आला. त्या सत्काराला उत्तर देताना मोहोळ याने वरील ग्वाही दिली. सरपंच गणेश जांभूळकर, हिंजवडी ग्रामपंचायतच्यावतीने १ लाख ५१ हजार रुपये तर माजी सरपंच नामदेव जांभूळकर परिवाराच्यावतीने ५ लाख रुपये, शाल, सन्मानचिन्ह देऊन त्याचा सन्मान करण्यात आला.
माजी सरपंच विक्रम साखरे, सचिन जांभूळकर, मच्छिंद्र हुलावळे, विशाल साखरे, नामदेव हुलावळे, कृष्णा बुचडे, शिवाजी बुचडे, बाळासाहेब भिंताडे, ॲड. शिवाजी जांभूळकर, गोकुळ जांभूळकर, विलास साखरे, कुंडलिक जांभूळकर यांच्यासह विविध क्षेत्रांतील मंडळी उपस्थित होती.
यावेळी सरपंच गणेश जांभूळकर यांनी भविष्यात आंतरराष्ट्रीय स्पर्धांत देशाचे प्रतिनिधित्व करून उत्तम कामगिरीद्वारे मुळशीचे नावलौकिक करावा, अशी अपेक्षा व्यक्त मोहोळ याला भविष्यातील कारकिर्दीसाठी शुभेच्छा दिल्या.