धाईंजे विद्यालयात स्वागत

वाकड, ता. १८ : लक्ष्मीबाई धाईंजे माध्यमिक विद्यालयात नवागत विद्यार्थ्यांचे स्वागत करण्यात आले. पहिल्या दिवशी विद्यार्थ्यांना मोफत पाठ्यपुस्तक वितरण करण्यात आले. संस्थेचे अध्यक्ष राहुल धाईंजे, खजिनदार प्रभावती धाईंजे, संचालक मीरा जाधव, संदीप धाईंजे यांच्या हस्ते प्रतिमा पूजन झाले. सीता इंद्राळे यांनी ईशस्तवन व स्वागत गीत सादर केले. आठवी, नववी, दहावीतील विद्यार्थ्यांचा गुलाब पुष्प देऊन अध्यक्षांनी स्वागत केले. रमेश नाडेकर, पुष्पा पाटील, अश्विनी कुलकर्णी, अश्विनी विसपुते, ज्योती कुलकर्णी, योगेश वसुदे, प्रणाली फडतरे, मकरंद कांबळे शिक्षक व शिक्षकेत्तर कर्मचारी व सर्व विद्यार्थी उपस्थित होते. मुख्याध्यापक कुमार सोनटक्के यांनी प्रास्ताविक केले. प्रतिमा बोडके यांनी सूत्रसंचालन केले.