योग साधना महिला ग्रुपतर्फे वेणू नगरमध्ये गुरुपौर्णिमा

वाकड, ता. ११ : वेणू नगर येथील आमदार लक्ष्मणभाऊ जगताप सभागृहात योग साधना महिला ग्रुपच्या वतीने गुरुपौर्णिमा सोहळ्याचे आयोजन करण्यात आले होते. गुरू आणि शिष्य यांच्यातील पवित्र नात्यावर यावेळी विस्तृत भाष्य करण्यात आले. योग शिक्षक निर्मलकुमार गुप्ता यांनी सर्वांना आशीर्वाद दिले. त्यांनी सर्व योग साधकांना व परिसरातील बंधू-भगिनींना गुरू-शिष्य परंपरेचे आणि योग साधनेच्या, व्यास पूजा म्हणजेच गुरुपौर्णिमेच्या चालू, प्राचीन, धार्मिक परंपरेचे महत्त्व समजावून सांगितले. योगाभ्यास केल्यानंतर, व्यक्तीचे आयुष्य निरोगी राहते आणि तो दीर्घ आणि रोगमुक्त आयुष्य जगतो. त्यामुळे सर्वांनी योगाला आपलेस करावे, असा सल्ला त्यांनी दिला. यानंतर भावमय आणि भक्तिमय वातावरणात रामकथा, शबरी चरित्र तथा भरत चरित्र झाले.