कोल्हापूरकरांची संवाद बैठक

वाकड, ता. १२ : उद्योग, व्यवसाय व नोकरीनिमित्त पुणे व पिंपरी-चिंचवड शहरात स्थायिक झालेल्या व तात्पुरत्या स्वरूपात वास्तव्य असणाऱ्या कोल्हापूरकरांची संवाद बैठक वाकड येथे झाली. यावेळी विविध विषयांवर चर्चा झाली.
या बैठकीला उद्योजक सखाराम रेडेकर, निवृत्त सहायक पोलिस आयुक्त नंदकिशोर भोसले-पाटील, नितीन भोसले-पाटील, संजय देसाई, सचिन पाटील, आबासाहेब पावले, सागर पाटील व कोल्हापूरकर बांधव मोठ्या संख्येने उपस्थित होते. मोठ्या शहरात राहण्यासाठी, टिकण्यासाठी आणि प्रगतीसाठी काय गरजेचे आहे ? याची ज्येष्ठांनी तरुणांना जाणीव करून दिली. विविध क्षेत्रांतील मान्यवरांनी त्यांच्या जीवनातील चांगले-वाईट अनुभव, संघर्ष मनमोकळेपणाने कथन केला. विद्यार्थी व तरुणांना शहरात रोजगार व उद्योगासाठी कसे सहकार्य होऊ शकेल ? याबाबत योजना आखण्यात आली.