हिंजवडी-माणसाठी स्वतंत्र महापालिका करा : काँग्रेस

हिंजवडी, ता. १३ : ‘‘आयटी नगरी हिंजवडी-माणसह लगतच्या गावांचा महापालिकेत समावेश करण्याबाबत राज्य शासन स्तरावर हालचाली सुरू आहेत. त्यावऐवजी हिंजवडी, माण, मारुंजी, नेरे, कासारसाई महापालिका करा,’’ अशी मागणी
मुळशी तालुका काँग्रेस कमिटीने रविवारी (ता.१३) केली. यासाठी पदाधिकारी आणि कार्यकर्त्यांनी हिंजवडीतील छत्रपती शिवाजी महाराज चौकात आंदोलन केले.
तालुका काँग्रेस कमिटीचे अध्यक्ष सुरेश पारखी यांच्या नेतृत्वाखालील आंदोलनात प्रदेश काँग्रेसचे सरचिटणीस श्रीरंग चव्हाण पाटील, सचिन किरवे, रामभाऊ ओझरकर, प्रदीप जाधव, सुदर्शन पाडळे, सतीश चांदेरे, सुरेश निकाळजे, समीर बुचडे, बाबासाहेब साखरे, नागेश साखरे, अंकुश मारणे, रमेश पानसरे, विनायक गुजर आदी सहभागी झाले होते. मनोगतातून या समावेशाला प्रकार शब्दात विरोध दर्शविला. यावेळी फलक हाती घेत आंदोलकांनी निदर्शने केली.