आयटी अभियंत्याची हिंजवडीत आत्महत्या

फोटो अपेक्षित

हिंजवडी, ता. २८ : ‘मी फेल्यूयर आहे! माझ्या मृत्यूस कुणालाही जबाबदार धरू नये,’ अशी ‘सुसाईड नोट’ लिहून आयटी अभियंत्याने हिंजवडीतील कंपनीच्या सातव्या मजल्यावरून उडी मारून आत्महत्या केली. सोमवारी (ता. २८) सकाळी दहा वाजण्याच्या सुमारास हा प्रकार घडला. पियुष अशोक कवडे (वय २३, रा. स्वप्नशिल्प बंगला, ज्यूडिओ समोर वाकड, मूळ राहणार आकाशवाणीजवळ, नाशिक) असे मृताचे नाव आहे. तो आयटी पार्क फेज एकमधील ॲटलास कॉपको कंपनीत गेल्या वर्षापासून नोकरी करीत होता. तो अविवाहित होता. मित्रांसोबत तो वाकडमध्ये राहत होता. त्याने लिहिलेली ‘सुसाईड नोट’ मिळाली असून यात कुठलाही संशय नसल्याचे हिंजवडी पोलिसांनी सांगितले.
-----