दत्तवाडीमधील स्मशानभूमीजवळ महसूल सप्ताहाअंतर्गत वृक्षारोपण

हिंजवडी, ता. ३ : दत्तवाडी येथील जिल्हा परिषद शाळेजवळील स्मशानभूमी परिसरात महसूल सप्ताह अंतर्गत तिसऱ्या दिवशी रविवारी (ता. ३) सकाळी वृक्षारोपण आणि रस्ता मोकळा करणे या उपक्रमांचे आयोजन करण्यात आले. या उपक्रमाद्वारे पर्यावरण संवर्धनासोबतच सामुदायिक सहभाग आणि स्वच्छतेचा संदेश देण्यात आला.
नेरे - दत्तवाडीत तिसऱ्या दिवशी पाणंद रस्ते मोकळे करून दुतर्फा वृक्षारोपण या संकल्पने अंतर्गत वरील उपक्रम पार पडला. मंडल अधिकारी विष्णू भोसले यांच्या हस्ते वृक्षारोपणास प्रारंभ झाला. पर्यावरण संवर्धनाचे महत्त्व पटवून देताना झाडे लावण्यासोबतच नियमित काळजी घेण्याचे आवाहन त्यांनी केले. महसूल अधिकारी सच्चिदानंद महामुनकर, तलाठी हनुमंत चांदेकर, नवनाथ मुऱ्हे, अमोल ढिगळे, स्वप्नील नरखेडेकर, पोलिस मित्र संघटनेचे जिल्हाध्यक्ष संदीप जाधव पाटील, पोलिस पाटील दीपाली जाधव पाटील, सरपंच सचिन जाधव, मुख्याध्यापिका अरुणा यशवंते, रामदास मेमाणे, राहुल जाधव, गणेश शिंदे, सुग्रीव कदम आदी मान्यवर उपस्थित होते.
दत्तवाडी येथील स्मशानभूमी परिसरात फळझाडे, औषधी वनस्पती आणि डेरेदार झाडे लावण्यात आली. रस्त्यावरील खड्डे, अडथळे दूर करून परिसर स्वच्छ सुरक्षित करण्यात आला.