दिव्यांग विद्यार्थ्यांच्या चित्रकलेला उत्स्फूर्त प्रतिसाद

वाकड, ता. ४ : जिल्हा दिव्यांग पुनर्वसन केंद्र, औंध व वाकड येथील अभिराज फाउंडेशन यांच्या संयुक्त विद्यमाने लोकशाहीर अण्णा भाऊ साठे यांची जयंती व लोकमान्य टिळक यांची पुण्यतिथी कार्यक्रमानिमित्त दिव्यांग विद्यार्थ्यांची चित्रकला स्पर्धा आयोजित करण्यात आली.
यशवंतराव चव्हाण प्रतिष्ठान, मुंबई यांच्यातर्फे चित्रकला स्पर्धा घेण्यात आली. त्यात दिव्यांग विद्यार्थ्यांनी उस्फूर्त सहभाग नोंदवला. शाळेच्या मुख्याध्यापिका अनिता चव्हाण यांच्यासह सर्व कर्मचारी वर्गाने मार्गदर्शन केले. या प्रसंगी जिल्हा दिव्यांग पुनर्वसन केंद्र समन्वयक यशवंत सोळंके, भाग्यश्री मोरे हे प्रमुख पाहुणे म्हणून उपस्थित होते. मोरे यांनी विद्यार्थी व शिक्षकांना मार्गदर्शन केले. वैशाली खेडेकर यांनी सूत्रसंचालन केले. संचालक रमेश मुसूडगे यांनी सर्वांचे आभार मानले.

WKD25A09197