वाकडमधील दहीहंडीमध्ये गोविंदांनी चाखले लाखांचे ‘लोणी’
वाकड, ता. १८ : गोविदांचे थरांवर थर, बसरणाऱ्या पावसात थिरकणारी तरुणाई व सिने तारे- तारकांच्या प्रमुख उपस्थितीत वाकडमधील राम वाकडकर युथ सोशल फाउंडेशनचा दहीहंडी उत्सव मोठ्या जल्लोषात साजरा झाला. चेंबूरच्या संयुक्त प्रतिष्ठान गोविंदा पथकाने सात थर लावून ही दहीहंडी फोडली. तसेच ५ लाख ५१ हजारांचे बक्षीसरुपी लोणी चाखले.
यावेळी खासदार श्रीरंग बारणे, भाजप शहराध्यक्ष शत्रुघ्न काटे, उपाध्यक्ष आणि मुख्य संयोजक राम वाकडकर, सचिन साठे, नाना काटे, बाळासाहेब विनोदे, चेतन भुजबळ, भारती विनोदे, विशाल वाकडकर, रणजित कलाटे, चंद्रकांत आदी उपस्थित होते.
लॉयड ली, निओस, ऑडिओ ट्रॉनिक्स यांच्या साउंड सिस्टिम्स, श्री लाइट्सची आकर्षक विद्युत रोषणाई आणि ‘डीजे’ रिशीच्या धमाकेदार बीट्स तसेच एरियल इंटरनॅशनलचे रशिया आणि बालीचे आर्टिस्ट, बॉलीवूड हॉलिवूड ग्रुप डान्स या शोने तरुणाईला थिरकायला लावले. शिव संघर्ष ढोल-ताशा पथक, दर्यावर्दी क्रीडा मंडळ, काळाखडक व सद्‍गुरु बॉईज यांनी संयोजन केले.
कसे आहात पुणेकर ?
सर्व वयोगटांतील नागरिकांसाठी हा उत्सव अविस्मरणीय ठरला. श्रीलीलाने साधलेला संवाद, ‘छावा’ फेम विनीत कुमारने कसे आहात पुणेकर ? म्हणत घातलेली साद, छावामधील गाजलेल्या संवादावर तरुणाईने टाळ्या-शिट्ट्यांची उस्फूर्त दाद दिली.
WKD25A09311
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.