पार्क स्ट्रीट सोसायटीत नवरात्रोत्सवाची धूम
वाकड, ता. १ : पार्क आयव्हरी पार्क स्ट्रीट सोसायटीत यंदाही नवरात्रोत्सव मोठ्या उत्साहात साजरा होत असून रहिवाशांचा आनंद ओसंडून वाहत आहे. देवीची स्थापना, दांडिया-गरबा, सांस्कृतिक कार्यक्रम आणि फूड स्टॉल्समुळे संपूर्ण सोसायटी उत्सवाच्या रंगात न्हाऊन निघाली आहे.
सोसायटीत ८ टॉवर, ५६५ सदनिका आणि सुमारे अडीच हजार नागरिक वास्तव्यास आहेत. महाराष्ट्रासह देशातील विविध राज्यांतील रहिवासी येथे राहतात. नऊ दिवस देवीची स्थापना व विधिवत पूजा, दररोज दांडिया-गरबा नृत्याचे आयोजन, महिला, युवक व लहान मुले उत्स्फूर्त सहभाग घेत आहेत.
नवरात्रोत्सव हा केवळ धार्मिक उत्सव नसून सामुदायिक एकात्मतेचा सोहळा आहे. सोसायटीतील नागरिक एकत्र येऊन उत्सव साजरा करत आहेत. हीच आमची खरी ताकद आहे.
- दिनेश रोकडे, अध्यक्ष, पार्क आयव्हरी, पार्क स्ट्रीट सोसायटी, वाकड
नवरात्र म्हणजे आनंद, भक्ती आणि संस्कृतीचा संगम. यंदा पावसाची पर्वा न करता सर्व वयोगटांतील रहिवासी दांडियाच्या तालावर ठेका धरत आहेत. सांस्कृतिक विभागाने रहिवाशांच्या सहकार्याने विविध उपक्रम आयोजित केले असून फूड स्टॉल्सलाही उत्स्फूर्त प्रतिसाद मिळत आहे.
- जिनल वखारिया, प्रमुख, सांस्कृतिक विभाग
WKD25A09573
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.