नवचैतन्य हास्य योगच्या अध्यक्षपदी राऊत यांची निवड

वाकड, ता. १५ : वाकड येथील नवचैतन्य हास्य योग क्लबचा तिसरा वर्धापनदिन आणि वार्षिक सर्वसाधारण सभा नुकतीच उत्साहात झाली. संस्थेचे संस्थापक रमेश राऊत यांची अध्यक्षपदी फेरनिवड झाली.
संस्था नोंदणीबाबत झालेल्या चर्चेत प्रमोद पाटील, गजानन कापसे, रमेश गंधेवर, अभय कुंडले, अरुण कांबळे, राजाराम भोसले, रामदास इंगळे, कालिदास जोशी आदींनी आपापले मत मांडले. लिंबराज कदम, माणिकराव दहिवडकर, तुकाराम वाघ, विजय शिरखेडकर, अरुण कांबळे, संभाजी खुडे, बाळू भोंबे, मोहन भूमकर यांचा सन्मान झाला. दिलीप सावंत, रामभाऊ इंगळे, दिलीप निकम यांनी हास्य योगातून मिळणाऱ्या सकारात्मक उर्जेचा अनुभव सांगितला. लक्ष्मीकांत जवळेकर यांनी प्रास्ताविक केले. सचिव विजय भोंगे यांनी इतिवृत्त वाचन केले.
अन्य पदाधिकारी पुढील प्रमाणे - उपाध्यक्ष : एकनाथ पंडित, सचिव : काकासाहेब औटी, सहसचिव : विनायकराव कुलकर्णी, खजिनदार : अशोक सूर्यवंशी, सदस्य : दीपक देशमुख, विश्वंभर बारबोले, दिलीप शेटे, संजय रामदास सांबर.