लोणावळा - जुन्या मुंबई-पुणे राष्ट्रीय महामार्गावरील बोरघाटात खंडाळ्याजवळ भरधाव मालवाहतूक ट्रकने पाच वाहनांना धडक दिली. यात बापलेकीसह तिघे ठार झाले तर चौदा जण जखमी झाले. रविवारी (ता. २०) रात्री अकराच्या सुमारास हा अपघात झाला.
प्रिया सागर इंगुळकर (वय-४२), नीलेश संजय लगड (वय-४२), श्राव्या नीलेश लगड (वय-१२, रा. गिरिजा शंकर अर्पाटमेंट, सदाशिव पेठ, पुणे) अशी मृतांची नावे आहेत. जखमींपैकी तिघांची प्रकृती गंभीर आहे.
लोणावळा पोलिसांनी दिलेल्या माहितीनुसार, रविवारी रात्री बोरघाटात पुण्याहून मुंबईच्या दिशेने भरधाव ट्रकने (क्र. जीजे ०३, बीटी ६७०१) ईनोव्हा, इर्टिगा, रिक्षा, टाटा पंच व एक गस्तीचे वाहन अशा पाच वाहनांना धडक दिली. हा अपघात एवढा भीषण होता की पाचही वाहनांचा चक्काचूर झाला.
या अपघातात श्राव्या व नीलेश लगड यांचा जागीच मृत्यू झाला तर त्यांची मेहुणी प्रिया इंगुळकर यांचा उपचारादरम्यान मृत्यू झाला. इतर वाहनांमधील चौदा प्रवाशांना गंभीर दुखापत झाली. जखमींना पुढील उपचारासाठी पनवेल, खोपोली, लोणावळा येथील रूग्णालयात दाखल करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.