वडगाव मावळ : शनिवारी (ता. १३) तळेगाव येथे आढळलेल्या आंबवणे येथील कोरोनाबाधित आरोग्य कर्मचाऱ्याच्या संपर्कातील दोन व्यक्तींचा अहवाल मंगळवारी (ता. १६) पॉझिटिव्ह आल्याची माहिती तहसीलदार मधुसूदन बर्गे व तालुका आरोग्य अधिकारी डॉ. चंद्रकांत लोहारे यांनी दिली. दरम्यान, मावळ तालुक्यातील कोरोना रुग्णांची संख्या ४० झाली असून, दिवसेंदिवस रुग्ण संख्या वाढत चालल्याने चिंतेत भर पडली आहे.
तळेगाव येथील रहिवासी व आंबवणे ( मुळशी) येथे कार्यरत असलेल्या ४८ वर्षीय आरोग्य कर्मचाऱ्याचा अहवाल शनिवारी पॉझिटिव्ह आला होता. त्याच्या संपर्कातील व्यक्तींचे स्वॅब तपासणीसाठी पाठविण्यात आले होते. त्याची ४४ वर्षीय पत्नी आणि १५ वर्षीय मुलीचा कोरोना चाचणी अहवाल मंगळवारी पॉझिटिव्ह आला. त्यांच्यावर तळेगावातील सुगीपश्चात केंद्रातील कोविड केअर सेंटरमध्ये उपचार चालू आहेत.
पिंपरी चिंचवडच्या बातम्या वाचण्यासाठी येथे ► क्लिक करा
मावळ तालुक्यात आतापर्यंत शहरी भागात ११ तर, ग्रामीण भागात २९ असे एकूण ४० कोरोना रुग्ण आढळले असून, त्यातील १७ रुग्ण उपचारानंतर बरे होऊन घरी गेले आहेत. उर्वरित २३ रुग्णांवर उपचार सुरु आहेत. दरम्यान, तालुक्यातील कोरोना रुग्णांची संख्या दिवसेंदिवस वाढत चालल्याने नागरिकांच्या चिंतेतही भर पडली आहे.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.