Wakad Hinjewadi News : 'म्हातोबाच्या नावानं चांगभलं'च्या गजरात अवघी आयटी दुमदुमली..!!

आयटी नगरी हिंजवडी व वाकडचे ग्रामदैवत म्हातोबा देवाची बगाड यात्रा गुरुवारी (ता. ६) सायंकाळी मोठ्या उत्साहात संपन्न झाली.
wakad yatra
wakad yatrasakal
Summary

आयटी नगरी हिंजवडी व वाकडचे ग्रामदैवत म्हातोबा देवाची बगाड यात्रा गुरुवारी (ता. ६) सायंकाळी मोठ्या उत्साहात संपन्न झाली.

हिंजवडी - आयटी नगरी हिंजवडी व वाकडचे ग्रामदैवत म्हातोबा देवाची बगाड यात्रा गुरुवारी (ता. ६) सायंकाळी मोठ्या उत्साहात संपन्न झाली. दरवर्षीच्या तुलनेत भक्तांची अलोट गर्दी अन बगाड रथावर हेलिकॉप्टरमधून पुष्पवृष्टी हे यंदाच्या बगाड मिरवणूकीचे वैशिष्ट्ये ठरले. यंदा गळकरी होण्याचा मान किशोर ज्ञानोबा जांभुळकर यांना मिळाला.

चैत्र पौर्णिमा हनुमान जयंतीला म्हातोबा देवाची यात्रा असते. गुरुवारी वाकडहून ग्रामस्थ गळ घेऊन होळीच्या पायथ्याला आल्यानंतर किसन साखरे पाटील यांनी गळाचा मानकरी पुकारला. यंदा खांदेकऱ्यांचा मान ऋषीकेश राजेंद्र साखरे व दिनेश सुरेश साखरे यांना मिळाला. खांदेकऱ्यांनी म्हातोबा मंदिरात गळकऱ्याला आणताच स्नान घालण्यात आले.सुहासिनिंनी नवरदेवाप्रमाणे हळदी-कुंकवाचा मळवट भरला. पारंपरिक देवाचा, फेटा उपरणे, पंचा असे वस्त्र नेसवून मारुतीचे दर्शन करून गळकऱ्याला होळीच्या पायथ्याशी आणले.

होळी पायथ्याला साखरे पाटील आणि सुतार कुटुंबातील गराडे यांनी मानाप्रमाणे गळकऱ्याला गळ टोचला. गळ टोचल्यानंतर पाणी पाजून मार्गस्थ करून गळकऱ्याला बगाडावर बसविण्यात आले यावेळी चांगभलेच्या गजराने जणू आसमंत दुमदुमले. हुलावळे परिवाराला काठीचा मान असतो. भंडारा-खोबऱ्याची उधळण करत चांगभले, पैस...पैस च्या गजरात भूमकर वस्ती, वाकडकर वस्ती, देवकर वस्ती, भुजबळ वस्ती, वाकड गावठाण या मार्गे गाठभेट घेत बगाड मिरवणूक वाकड गावठाणातील म्हातोबा मंदिरात पोहचताच सांगता झाली.

रथावर हेलिकॉप्टर मधून पुष्पवृष्टी

यंदाच्या बगाड रथावर व मिरवणूकीवर संत तुकाराम सहकारी साखर कारखान्याचे संचालक बाळासाहेब उर्फ तुकाराम विनोदे परिवाराच्या वतीने पुष्प वृष्टी करण्यात आली. हा अनोखा क्षण आपल्या मोबाईलमध्ये टिपण्यासाठी हजारो हात सरसावले होते. विनोदे कुटुंबीयांनी होळी पायथ्यावरील बगाड रथावर आणि बगाड मिरवणूक मार्गावर पुष्प वृष्टी केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com