मुळशी, पवनाच्या विसर्गामुळे नदीकाठच्या गावांचा चुकतोय काळजाचा ठोका

मुळशी, पवनाच्या विसर्गामुळे नदीकाठच्या गावांचा चुकतोय काळजाचा ठोका
Updated on: 

जुनी सांगवी (पिंपरी-चिंचवड) : गेल्या आठवडाभरापासून धरण परिसराच्या पाणलोट क्षेत्रात वरूणराजा चांगला बरसतोय. त्यामुळं मुळा व पवनेच्या कुशीत संगमावर वसलेल्या जुनी सांगवीकरांना एकीकडं धरणं भरल्याचा आनंद, तर दुसरीकडं पुराच्या पाण्याची काळजी सतावतेय. पाऊस असाच पडत राहिल्यास दोन्ही धरणांतून विसर्ग वाढण्याची शक्यता आहे. त्यामुळं जुनी सांगवीतील नदीकिनारा भागातील रहिवाशांना पुराच्या पाण्यासाठी खबरदारी घ्यावी लागणाराय.

गतवर्षी तीन ऑगस्टदरम्यान अतिवृष्टीमुळं पवना व मुळा धरणातून पाण्याचा विसर्ग केला होता. त्यातच संततधार पावसामुळं जुनी सांगवीचा नदीकिनारा परिसर हा चार फूटापर्यंत उंच पाणी आल्याने एखाद्या बेटाप्रमाणे जलमय झाला होता. या पुराच्या पाण्याची झळ बसून अनेकांच्या घरातील संसारोपयोगी साहित्य गमवाव्या लागल्या.

पिंपरी-चिंचवडच्या बातम्या वाचण्यासाठी येथे ► क्लिक करा

येथील मुळा नदीकिनारा भागातील मुळानगर झोपडपट्टी पाण्याखाली गेली होती. तर मधुबन सोसायटी, जयमालानगर, पवनानगर, संगमनगर, ममतानगर या मोठ्या रहिवासी भागाला पुराच्या पाण्याचा फटका बसला होता. यावर्षी पवना धरण उशिरा भरल्यानं त्यामधून रविवारी (ता. ३०) पाणी सोडल्यानं एकीकडं धरणं भरल्याचा आनंद, तर दुसरीकडं पुन्हा गतवर्षाची पुनरावृत्ती होणार नाही ना, अशी काळजी नागरिकांना सतावतेय. गतवर्षी मुळानगर झोपडपट्टी जलमय झाली होती.

पुण्याच्या बातम्या वाचण्यासाठी येथे क्लिक करा

यंदा मुळशी धरण पूर्ण क्षमतेनं भरल्यानं शनिवारी (ता. २९) धरणातून जवळपास दहा हजार पाचशे क्यूसेकचा विसर्ग मुळा नदीपात्रात सुरू होता. तर रविवारी पवना धरण भरल्यानं सकाळी धरणातून तीन हजार क्यूसेक पाणी सोडल्याने नदीकिनाराभागातील नागरिकांनी खबरदारी घ्यावी. याबाबत सोशल मीडियावर कालपासून मॅसेज व्हायरल होतायेत. त्यामुळं नदीकिनारा भागातील नागरिकांनी काळजी वाढत आहे. दरम्यान, या परिसरातील नागरिकांसाठी उपाययोजना कधी होणार, असा प्रश्न विचारला जातोय.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Wakad School Relocation Controversy: Students' Safety Under High Voltage Power Lines Raises Concerns
Hinjawadi Metro Parking Problem Persists Despite Rising Passenger Footfall :
YCM Hospital Drug Quality Issues: FDA Seizes Medicines Worth Rs 1.90 Crore
Pimpri Chinchwad Waste Management Issue Raised in Municipal General Body Meeting