हसायचं तर हसा पण ट्रेंड म्हणून अक्षोभ्य नाव नाही ठेवलेलं... अधोक्षज कऱ्हाडेने सांगितलं हे नाव ठेवण्याचं खरं कारण

लोकप्रिय मराठी अभिनेता, कवी, सूत्रसंचालक संकर्षण कऱ्हाडे याचा भाऊ आणि टीव्हीवरील लोकप्रिय अभिनेता अधोक्षज कऱ्हाडे काही महिन्यांपूर्वी बाबा झाला. त्याने काही दिवसांपूर्वीच आपल्या बाळाचं बारसं घातलं. सध्या कठीण नावांचा ट्रेंड सुरू आहे. मात्र त्याने बाळाचं अतिशय कठीण नाव ठेवत सगळ्यांच्या तोंडाला फेस आणला. काहींना हे नाव खूप आवडलं तर काहींनी त्यावरून त्याला ट्रोल केलं. आता एका मुलाखतीत त्याने मुलाचं नाव अक्षोभ्य का ठेवलं यामागचं कारण सांगितलंय.