छोटा पडदा आणि मोठा पडदा गाजवणारा लोकप्रिय अभिनेता समीर चौघुले याने आपल्या अभिनयाने प्रेक्षकांची मनं जिंकली. समीर 'महाराष्ट्राची हास्यजत्रा' मधून प्रेक्षकांच्या भेटीला येतो. आता समीरचा 'गुलकंद' हा चित्रपट प्रदर्शित होणार आहे. एका आगळ्यावेगळ्या विषयावर भाष्य करणाऱ्या या चित्रपटात त्याच्यासोबत सई ताम्हणकर , प्रसाद ओक आणि ईशा डे देखील प्रमुख भूमिकेत आहेत. या चित्रपटाची घोषणा झाल्यापासून प्रेक्षक या चित्रपटाची आतुरतेने वाट पाहत आहेत. मात्र सईने आधी या चित्रपटासाठी नकार दिला होता.