Ketaki Chitale : केतकी चितळेची ठाकरेंना उद्देशून वादग्रस्त पोस्ट; म्हणाली, लाज कशी वाटत नाही...

मुंबईः अभिनेत्री केतकी चितळे हिने पुन्हा एक वादग्रस्त पोस्ट केली आहे. ''लाज कशी वाटत नाही'' असं म्हणत तिने थेट उद्धव ठाकरेंचं नाव घेऊन टीका केली.

केतकी चितळेची पोस्ट

लाज कशी वाटत नाही ठाकरे तुम्हाला? लकी पेट्रोल पंप उडाला (जो आम्हाला त्यावेळी ट्रकचे टायर फुटले असावे, असे वाटले आवाज ऐकून) त्यातील आरोपीला स्टार प्रचारक म्हणून मिरवताय? कीर्तीकरांना तसेही मी मत देणार नव्हतेच.

पण आज बाळासाहेबांमुळे जो काही 0.0001 टक्के आदर मनात होता तुमच्याविषयी, तोही तुम्ही मातीत मिळवण्यात यशस्वी झालात. राग, चीड, द्वेष, संताप अशा भावना देखील मनात येत नाहीयेत, येते आहे ती फक्त कीव.. असं म्हणत केतकीने उद्धव ठाकरेंना टार्गेट केलं.

ठाकरे गटाचे उमेदवार अमोल कीर्तिकर यांच्या प्रचारयात्रेत इक्बाल मुसा याच्या उपस्थितीवरुन वाद निर्माण झाला आहे. १९९३ साली झालेल्या बॉम्बस्फोटामधला आरोपी मुसा याच्या सहभागामुळे राजकारण गरम होत आहे. त्याच अनुषंगाने अभिनेत्री केतकी चितळे हिने पोस्ट लिहिली आहे.

केतकीने इन्स्टाग्राम अकाऊंटवरुन एक स्टोरी शेअर करत त्यात आपल्या भावना व्यक्त केल्या आहेत. तिच्या स्टोरीमुळे सोशल मीडियावर तिला ट्रोल केलं जात आहे. केतकी नेहमीच वादग्रस्त विधानांमुळे आणि पोस्टमुळे चर्चेत असते. कित्येकदा तिला खालच्या स्तराच्या ट्रोलिंगला समोरं जावं लागतं.