दिवाळीत मुलींच्या स्टेटसवर वाजणाऱ्या 'सुंदरी सुंदरी' गाण्यातील 'टक टक देखरो'चा अर्थ माहितीये का? संजू राठोड म्हणतोय तरी काय?

सध्या मराठी संगीत क्षेत्रात २८ वर्षीय तरुण गायक संजू राठोडने धुमाकूळ घातला आहे. त्याचे हटके बीट, रॅप, अनोखी चाल आणि व्हिडिओंमुळे त्याची गाणी सुपरहिट होत आहेत. त्याने 'गुलाबी साडी' या गाण्याने प्रेक्षकांची झोप उडवली होती. त्याच्या 'शेकी शेकी' या गाण्याने देखील प्रचंड लोकप्रियता मिळवली. सध्या त्याचं नवं गाणं 'सुंदरी सुंदरी' प्रचंड गाजतंय. युट्युबवर सर्वाधिक पाहिलेल्या पहिल्या तीन म्युझिक व्हिडिओंमध्ये या गाण्याचा समावेश झालाय. या गाण्यातील 'टक टक देखरो सावरियाँ' हा भाग सोशल मीडियावर रिल्ससाठी वापरला जातोय. मात्र तुम्हाला या शब्दांचा अर्थ माहितीये का?