छोट्या पडद्यावर आणखी एक नवी मालिका येऊ घातली आहे. गेल्या काही महिन्यात अनेक नवीन मालिका प्रेक्षकांच्या भेटीला आल्या. काहींनी प्रेक्षकांची मनं जिंकली. तर काही फ्लॉप ठरल्या. आता स्टार प्रवाहने आणखी एक नवी मालिका प्रेक्षकांच्या भेटीला आणली आहे. 'हळद रुसली कुंकू हसलं' असं या मालिकेचं नाव आहे. यात अभिनेत्री समृद्धी केळकर आणि अभिनेता अभिषेक रहाळकर हे दोघे मुख्य भूमिकेत आहेत. नुकतीच या मालिकेची वेळ समोर आली. मात्र नेटकऱ्यांना ही वेळ रुचलेली नाही. या मालिकेला चुकीची वेळ दिलीये असं त्यांचं म्हणणं आहे.