पारंपरिक लोककलांमध्ये अडकलेल्या स्त्रीच्या अस्तित्त्वाचा जिवंत दस्तावेज; 'फुला' येतेय भेटीला

मराठी सिनेसृष्टीत लावणी आणि तमाशावर अनेक चित्रपट बनले. आता असाच एक अस्सल मराठी मातीतल्या वाघ्या-मुरळीची संघर्षमय कथा सांगणारा 'फुला' चित्रपट मोठ्या पडद्यावर पहायला मिळणार आहे. नुकतेच या चित्रपटाचं पोस्टर खंडेरायाच्या साक्षीने जेजुरी येथे वाघ्या-मुरळी परिषदेचे संस्थापक अध्यक्ष प्रा. मार्तंड साठे यांच्या हस्ते लाँच करण्यात आले याप्रसंगी चित्रपटाचे निर्माते , दिग्दर्शक, कलाकार आणि तंत्रज्ञ मंडळी उपस्थितीत होती. हा चित्रपट येत्या १७ एप्रिलला संपूर्ण महाराष्ट्रात प्रदर्शित होणार आहे